اسلام آباد (ڈیلی اردو) وفاقی وزیر داخلہ شیخ رشید احمد نے کہا ہے کہ کالعدم تنظیم تحریک طالبان پاکستان (ٹی ٹی پی ) کے ساتھ مذاکرات کا کوئی علم نہیں ہے جبکہ تین سے چار گروپس کے کالعدم تنظیم کو جوائن کرنے کی اطلاعات ہیں، پاکستان مزاحمت نہیں مفاہمت کا داعی ہے، وزیراعظم نے کہا تھا جو لوگ ہتھیار پھینکیں گے اور آئین پاکستان کو مانیں گے ان کے ساتھ بات ہوگی تاہم ملک کو نقصان پہنچانے والے لوگوں کے ساتھ مذاکرات نہیں ہوں گے۔
عمران خان نے کہا ہے پنڈورا پیپرز کے حوالے سے مکمل کارروائی ہوگی.
ن لیگ کمپنی کی مشہوری کیلئے اداروں کو بدنام کر رہی ہے
خطے میں 20 سال بعد بڑی تبدیلی آئی ہے
نیکٹا کا کردار ختم نہیں ہوگا وہ وزارت داخلہ کے ماتحت ہے
جب میں نے کہا (ن) سے (ش) نکلے گی تو میرا مذاق اڑایا گیا pic.twitter.com/6JbCfKgIcU
— Sheikh Rashid Ahmed (@ShkhRasheed) October 6, 2021
پریس کانفرنس سے خطاب کرتے ہوئے وزیر داخلہ شیخ رشید کا کہنا تھا کہ افغانستان کیلئے آن لائن ویزا جاری کررہے ہیں جس سے بہت سے معاملات آسان ہوں گے جبکہ طور خم اور چمن بارڈر کو مکمل بائیو میٹر ک کردیا گیا ہے اور انسانی بنیادوں پر جتنا ہو سکا افغانستان کی مدد کریں گے، جو لوگ افغانستان جانا چاہتے ہیں اور چالیس سال سے بیٹھے ہوئے ہیں وہ بغیر فیس جاسکتے ہیں۔
