مالی: دہشت گردوں کے حملے میں 16 فوجی ہلاک، 10 زخمی

باماکو (ڈیلی اردو) افریقی ملک مالی میں بم دھماکے کے نتیجے میں 16 فوجی اہلکار ہلاک اور 10 زخمی ہوگئے۔

غیر ملکی خبر رساں ادارے اے ایف پی کے مطابق افریقی ملک مالی میں بم دھماکے کے نتیجے میں 16 فوجی اہلکار ہلاک اور 10 زخمی ہوگئے، آرمی کی جانب سے جاری بیان کے مطابق گشت پر مامور سیکیورٹی اہلکاروں کی گاڑی دھماکہ خیز مواد سے ٹکرا گئی جب کہ دھماکے کے بعد شدید فائرنگ بھی کی گئی۔

مالی آرمی کی جانب سے جاری بیان میں کہا گیا ہے کہ حملے میں 3 گاڑیاں بھی تباہ ہو گئیں جب کہ حملہ دہشت گردوں کے خلاف کارروائی کا شاخسانہ ہے جس میں 15 دہشت گرد ہلاک ہوگئے تھے۔

اس خبر پر اپنی رائے کا اظہار کریں

اپنا تبصرہ بھیجیں