راولپنڈی (کاشف محمود) صوبہ خیبر پختونخوا کے قبائلی ضلع شمالی وزیرستان میں سکیورٹی فورسز نے کارروائی کرتے ہوئے ایک دہشتگرد کو ہلاک کردیا۔
پاکستانی فوج کے شعبہ تعلقات عامہ آئی ایس پی آر کے مطابق شمالی وزیرستان کے علاقہ میرعلی میں مصدقہ اطلاعات پر سکیورٹی فورسز نے دہشت گردوں کے ٹھکانے پر کارروائی کرتے ہوئے ایک دہشتگرد کو ہلاک کردیا۔
آئی ایس پی آر کے مطابق سکیورٹی فورسز کی کارروائی کے دوران اسلحہ اور بارود برآمد کرلیا گیا جبکہ مزید دہشت گردوں کی تلاش کے لیے کارروائی جاری ہے۔
