اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں بارودی سرنگ کے ایک دھماکے میں پاکستانی فوج کے دو سپاہی ہلاک ہوگئے۔
سرکاری ذرائع کے مطابق بارودی سرنگ کا دھماکا شمالی وزیرستان کی تحصیل دتہ خیل کے علاقے دیگان میں سکیورٹی فورسز کے کلیئرنس آپریشن کے دوران ہوا جس کے نتیجے میں سپاہی شوکت اور سپاہی راحیل حسین ہلاک ہوگئے۔
شوکت کا تعلق صوبہ سندھ کے علاقے خیر پور میرس سے تھا۔ جبکہ راحیل حسین کا تعلق صوبہ پنجاب کے ضلع منڈی بہاؤالدین کے چک نمبر 48 سے تھا۔
دوسری جانب دھماکے کی ذمہ داری کالعدم تحریک طالبان پاکستان نے قبول کرلی۔
