صومالیہ: اقوام متحدہ کے سیکورٹی قافلے پر خودکش کار بم حملہ، 8 افراد ہلاک

موغادیشو (ڈیلی اردو) صومالیہ کے دارالحکومت موغادیشو میں خودکش دھماکے میں 8 افراد ہلاک ہوگئے۔

فرانسیسی خبر رساں ایجنسی اے ایف پی کے مطابق موغادیشو میں خودکش بمبار نے بارود سے بھری گاڑی اقوام متحدہ کے سیکورٹی قافلے سے ٹکرا دی جس کے نتیجے میں 8 افراد ہلاک اور 17 سے زائد زخمی ہوگئے۔

دھماکے بعد سیکورٹی فورسز نے علاقے کو گھیرے میں لے لیا۔ امدادی کارکنوں نے بم دھماکے میں زخمی ہونے والوں کو اسپتال منتقل کیا۔ زخمیوں میں سے کچھ کی حالت تشویشناک ہے۔

حکام نے ہلاکتوں میں اضافے کا خدشہ ظاہر کیا ہے۔ اب تک کسی تنظیم نے حملے کی ذمہ داری قبول نہیں کی ہے۔

Facebook Notice for EU! You need to login to view and post FB Comments!

اس خبر پر اپنی رائے کا اظہار کریں

اپنا تبصرہ بھیجیں