مردان (نمائندہ ڈیلی اردو) کاؤنٹر ٹیررازم ڈیپارٹمنٹ(سی ٹی ڈی) نے مردان میں انٹیلی جنس بیسٹ آپریشن کے دوران کالعدم تنظیم کے دو دہشتگردوں کو گرفتار کرلیا۔
ترجمان سی ٹی ڈی کے مطابق سی ٹی ڈی مردان ریجن کو خفیہ ذرائع سے اطلاع ملی کہ کالعدم دہشت گرد تنظیم داعش کے دو سرگرم کارکنان عارف اور فضل دیان ضلع چارسدہ بمعہ بارودی مواد بمقام بائی پاس درگئی علاقہ تھانہ سرڈھیری میں بارودی مواد اور خود ساختہ بم بنانے کی غرض سے موجود ہیں۔
اس اطلاع پر دہشت گردوں کی گرفتاری کے لئے خصوصی چھاپہ مار ٹیم تشکیل دے کر دہشت گرد مذکورین عارف اور فضل دیان کو گرفتار کرکے انکے قبضے سے 13 عدد بارودی ڈنڈے، 04 عدد ڈیٹونیٹر ،4 فٹ سیفٹی فیوز اور پرائما کارڈ برآمد کئے گئے۔
ملزمان ضلع چارسدہ میں پولیس اور دیگر سیکیورٹی فورسز اور اُنکے املاک کو دہشت گردی کا نشانہ بنانا چاہتے تھے۔ دہشتگردں کے خلاف مقدمہ درج کر کے تفتیش جاری ہے جن سے مزید اہم انکشافات کی بھی توقع ہے۔
