اسلام آباد (ڈیلی اردو) وزیر اعظم عمران خان اور ابوظبی کے ولی عہد محمد بن زاید کے درمیان ٹیلی فونک رابطہ ہوا جس میں پاکستانی وزیراعظم کی جانب سے ابوظبی میں سول تنصیبات پر حوثی باغیو کے حملے کی شدید الفاظ میں مذمت کی گئی۔
Prime Minister @ImranKhanPTI had a telephone call with His Highness Mohamed Bin Zayed, Crown Prince of Abu Dhabi and Deputy Supreme Commander of the UAE Armed Forces. pic.twitter.com/Qiyz0JyOXw
— Prime Minister's Office (@PakPMO) January 19, 2022
وزیراعظم عمران خان نے حملے میں ہلاک افراد کے اہلخانہ سے تعزیت کی اور زخمیوں کی جلد صحتیابی کے لیے دعا کی۔ وزیراعظم نے یو اے ای کی قیادت، حکومت اور عوام کے ساتھ یکجہتی کا اظہار بھی کیا۔
اس موقع پر وزیراعظم عمران خان کا کہنا تھا کہ اس طرح کے حملوں کو جائز قرار نہیں دیا جا سکتا، ان حملوں کو فوری طور پر بند کرنے پر زور دیا جا سکتا ہے۔
وزیراعظم عمران خان کا کہنا تھا کہ یہ حملے علاقائی امن و سلامتی کے لیے شدید خطرہ ہیں۔
ابوظبی کے ولی عہد محمد بن زاید النہیان نے حمایت کے بھرbپور اظہار پر وزیراعظم عمران خان کا شکریہ ادا کیا اور المناک واقعے میں پاکستانی شہری کی ہلاکت پر افسوس اور تعزیت کا اظہار بھی کیا۔
