کراچی (ڈیلی اردو) کراچی کے علاقے ملیرکینٹ کی پولیس نے خود کو آرمی کا میجر ظاہر کرنے والے ملزم کو گرفتار کرلیا۔
ایس ایس پی ملیرکے ترجمان کے مطابق ملزم عمیر کو پولیس نے سعدی ٹاؤن کے قریب پیٹرولنگ کے دوران گرفتار کیا۔اور جب ملزم کی تلاشی لی گئی تو اسکے قبضے سے آرمی کے یونیفارم میں متعدد تصاویر برآمد ہوئیں۔
اسکے علاوہ ملزم عمیر کے قبضے سے ایک لاکھ بیس ہزار روپے نقد ، دو موبائل فونز اور انٹرنیٹ ڈیوائس بھی برآمد ہوئی۔
ایس ایس پی ملیر کے ترجمان نے مزید بتایا کہ پولیس نے ملزم سے کپڑوں سے بھرا سفری بیگ اور آرمی کے یونیفارم میں بنائی گئی جعلی تصاویر بھی برآمد کی ہیں۔
ملزم کے خلاف مقدمے کا اندراج کرکے تفتیش کا آغاز کردیاگیاہے
