کراچی: سہون دھماکے میں ملوث دہشتگردوں کی سزائے موت کیخلاف اپیلیں مسترد

کراچی (ڈیلی اردو) سندھ ہائیکورٹ نے سیہون بم دھماکے کہ کیس میں ملزمان کی سزا کے خلاف اپیلیں مسترد کر کے سزا برقرار رکھنے کا حکم دیا ہے۔

عدالت نے دہشت گرد نادر علی عرف مرشد اور فرقان کی سزا کو برقرار رکھتے ہوئے ریمارکس دیئے کہ ملزمان کے خلاف انتہائی ٹھوس شواہد پیش کیے گئے ہیں۔

ہائیکورٹ کا کہنا تھا کہ معصوم انسانوں کو قتل کرنے والے دہشتگرد کسی رعایت کے مستحق نہیں۔

پراسیکیوٹر نے عدالت کو بتایا کہ سیہون دھماکے میں 80 سے زائد افراد ہلاک، 120 سے زائد زخمی ہوئے تھے۔

واضح رہے کہ ٹرائل کورٹ نے ملزم نادر اور فرقان کو 80 بار سزائے موت کا حکم سنایا تھا۔

اس خبر پر اپنی رائے کا اظہار کریں

اپنا تبصرہ بھیجیں