پشاور (ڈیلی اردو) صوبہ خیبر پختونخوا کے صوبائی دارالحکومت پشاور کے علاقے لنڈی اخون احمد میں گھر پر دستی بم حملے کے نتیجے میں 5 افراد زخمی ہوگئے۔
پولیس کے مطابق تھانہ پشتخرہ کی حدود میں واقع لنڈی اخون احمد میں نامعلوم افراد نے کابل خان آفریدی نام شخص کے گھر پر دستی بم سے حملہ کیا۔
پولیس کے مطابق دستی بم حملے کے نتیجے میں گھر کے سربراہ سمیت 5 افراد زخمی ہوئے جنہیں فوری طور پر ہسپتال پہنچایا گیا۔
پولیس کا بتانا ہے کہ دستی بم حملے سے گھر کے شیشے ٹوٹ گئے۔
