لاہور (ڈیلی اردو) صوبہ پنجاب کے صوبائی حکومت لاہور کے انار کلی دھماکے میں ملوث دو مبینہ دہشت گرد ہلاک ہوگئے ہیں۔
ڈیلی اردو کے مطابق کاونٹر ٹیرازم ڈیپارٹمنٹ (سی ٹی ڈی) نے بتایا کہ انار کلی دھماکے میں ملوث گرفتار دہشتگردوں کو اسلحہ اور بارودی مواد کی ریکوری کے لئے بادامی باغ کے علاقے کھوکر پنڈ لے جايا جا رہا تھا۔
تاہم دہشتگردوں کے ٹھکانے پر پہنچتے ان کے 4 ساتھیوں کی جانب سے فائرنگ کر دی گئی۔
دہشتگردوں کے ساتھیوں کی فائرنگ سے دونوں گرفتار دہشت گرد ہلاک ہو گئے۔
کالعدم تنظیم سے تعلق رکھنے والے دہشت گردوں میں عبدالرزاق اور ثناءاللہ شامل ہیں۔
واضح رہے کہ انار کلی دھماکے میں کم از کم تین افراد ہلاک جبکہ 26 زخمی ہوئے تھے۔
تاہم حملے کی ذمہ داری علیحدگی پسند تنظیم بلوچ نیشنل آرمی کی جانب سے قبول کی تھی۔
