راولپنڈی (ڈیلی اردو) صوبہ خیبر پختونخوا کے قبائلی ضلع شمالی وزیرستان میں سیکورٹی فورسز کے آپریشن میں 2 دہشت گرد ہلاک ہوگئے۔
پاکستانی فوج کے شعبہ تعلقات عامہ کے مطابق (آئی ایس پی آر) کے مطابق سیکیورٹی فورسز نے دہشت گردوں کی موجودگی کی اطلاع پر شمالی وزیرستان کے علاقے حسن خیل میں خفیہ آپریشن کیا۔
آئی اپس پی آر کا کہنا ہے کہ سیکیورٹی فورسز سے فائرنگ کے تبادلہ میں 2 دہشت گرد مارے گئے، ہلاک دہشتگرد سیکیورٹی فورسز پر حملوں میں ملوث تھے۔
آپریشن کے دوران دہشت گردوں کے قبضے سے گولیاں اور ہتھیار بھی برآمد ہوئے۔
خیال رہے کہ دور قبل بھی سیکیورٹی فورسز نے دہشت گردوں کی موجودگی کی خفیہ اطلاع پر شمالی وزیرستان کے علاقے حسن خیل اور بنوں کے علاقے جانی خیل میں آپریشن کیا، سیکیورٹی فورسز کے دو مختلف آپریشن میں فائرنگ کے تبادلے میں 7 دہشت گرد مارے گئے تھے۔
