پشاور (ڈیلی اردو) کاؤنٹر ٹیرارزم ڈیپارٹمنٹ (سی ٹی ڈی) خیبر پختونخوا نے کارروائی کرتے ہوئے 6 دہشت گرد گرفتار کر لئے ہیں۔
سی ٹی ڈی پشاور کو اطلاع ملی کہ چند دہشت گرد قبائلی ضلع خیبر کی تحصیل جمرود میں موجود ہیں، اطلاع پر سپیشل چھاپہ مار ٹیم نے جمرود میں ایک حجرے پر چھاپے کے دوران پانچ مبینہ دہشت گرد نوشاد، منظور، علی وقار، امان اللہ اور حنان ساکنان ضلع خیبر کو موقع پر گرفتار کرلیا گیا۔
ایک اور کارروائی کے دوران مطلوب دہشت گرد واجد کو پشاور کے علاقے شیخ محمدی بازار سے گرفتار کیا ہے، گرفتار دہشت گردوں سے تفتیش جاری ہے۔
