پشاور (ڈیلی اردو) صوبہ خیبر پختونخوا کے قبائلی ضلع خیبر میں پاک افغان سرحد سے متصل وادی تیراہ میں سیکیورٹی فورسز نے سرچ آپریشن کر کے دہشت گردوں کے ٹھکانے سے اسلحہ و بارود برآمد کرلیا۔
سیکیورٹی ذرائع کے مطابق وادی تیراہ میں سیکورٹی فورسز نے کارروائی کرتے ہوئے دہشتگروں کے پرانے ٹھکانے سے 4 کلوگرام بارودی مواد اور 5 عدد دیسی ساختہ بموں سمیت 18 عدد دستی بم بھی قبضہ میں لے لیے گئے۔
ذرائع کا کہنا ہے کہ برآمد ہونے والے اسلحے میں 2 عدد مشین گن اور سیکڑوں کارتوس شامل ہیں۔
