جنیوا: شام کے حراستی مرکز میں 106 افراد کو قتل کئے جانے کا انکشاف

جنیوا (ڈیلی اردو/اے ایف پی) شام کے حراستی مرکز میں 18 ماہ میں 100 سے زائد افراد کو قتل کئے جانے کا انکشاف ہوا ہے۔

شام میں اقوام متحدہ کی ریزیڈنٹ کوارڈینیٹر عمران رضا نے جنیوا میں صحافیوں سے بات کرتے ہوئے بتایا کہ ال ہول کیمپ میں 18 ماہ کے دوران 100 سے زائد افراد قتل کردئیے گئے جس میں زیادہ تر خواتین شامل تھیں۔

انھوں نے اس کیمپ کو یہاں موجود قیدیوں اور بالخصوص بچوں کےلیے غیرمحفوظ قرار دیا۔

شام میں یہ کیمپ شمال مشرقی حصے میں کرد اکثریتی علاقے میں موجود ہے اور یہ عارضی حراستی مرکز ہے۔

اس حراستی مرکز میں اس وقت بھی 56 ہزار قیدی موجود ہیں جن میں سے بیشتر کا تعلق شام اور عراق سے ہے اور وہ داعش سے منسلک رہے ہیں۔

یہاں دیگر ممالک کے شہری بھی قید ہیں جب کہ داعش کے جنگجوؤں کے اہل خانہ اور بچے بھی یہاں رکھے گئے ہیں۔

عمران رضا نے بتایا کہ اس حراستی مرکز میں جنس کی بنیاد پر تشدد کیا جاتا ہے یہاں کئی نوگو ایریاز بھی موجود ہیں۔

اپنا تبصرہ بھیجیں