منیلا (ڈیلی اردو) فلپائن میں ایک یونیورسٹی میں مسلح شخص نے تقریب تقسیم اسناد میں مہمان خصوصی کی حیثیت سے شریک سابق میئر کو قتل کردیا جب کہ فائرنگ سے مزید دو افراد بھی ہلاک ہوگئے۔
خبرایجنسی رائٹز کے مطابق فائرنگ کا غیر معمولی واقعہ ’اتینیو ڈی منیلا یونیورسٹی‘ میں پیش آیا۔ قانون کے طلبا اپنی فیملیز کے ہمراہ گریجویشن تقریب کے لئے یونیورسٹی میں جمع تھے جبکہ سپریم کورٹ کے چیف جسٹس کو بھی تقریب میں شرکت کرنا تھی۔فائرنگ کےنتیجے میں سابق میئر روز فیوریگے، اسسٹنٹ سمیت ہلاک ہوگئے جبکہ یونیورسٹی کا ایک گارڈ بھی مارا گیا۔
Three dead in graduation shooting at top Philippines university https://t.co/NzwEjCyqP7 pic.twitter.com/U3A37ADtW1
— Reuters (@Reuters) July 24, 2022
حملہ آور کو تعاقب کے بعد پولیس نے زخمی حالت میں گرفتار کرلیا۔
ملزم کی شناخت ظاہر نہیں کی گئی تاہم ملزم کا تعلق لامیتان شہر سے ہے جو شدت پسند مذہبی تنظیموں کا گڑھ سمجھا جاتا ہے اور بالخصوص ابوسیاف کے داعش سے تعلقات بھی ہیں۔
تاحال کسی گروپ نے حملے کی ذمہ داری قبول نہیں کی۔
واضح رہے کہ شدت پسند جماعت ابو سیاف فلپائن میں حکومتی سیکیورٹی فورسز اور سرکاری عمارتوں پر حملوں میں ملوث رہی ہے اور فلپائنی فوج اس تنظیم کے سربراہ کو قتل کرنے کا کئی بار دعویٰ بھی کر چکی ہے۔
