پاراچنار (نمائندہ ڈیلی اردو) صوبہ خیبر پختونخوا کے قبائلی ضلع کرم میں بارودی سرنگ پھٹنے سے تین بچے زخمی ہوگئے۔
کرم پولیس کے مطابق دھماکہ وسطی کرم کے علاقے گواکی میں ہوا ہے، پولیس کے مطابق زخمی بچوں کو صدہ ہسپتال منتقل کردیا گیا ہے۔
ہسپتال ذرائع کے مطابق زخمیوں میں دس سالہ اسد، بارہ سالہ عبدالصمد اور چودہ سالہ نائیب شامل ہیں۔
پولیس کا کہنا ہے کہ جنگل میں پڑے بارودی سرنگ سے پیر ٹکرانے سے دھماکہ ہوا تحقیقات شروع کر دی گئی ہے۔
