کوہاٹ (نمائندہ ڈیلی اردو) صوبہ خیبر پختونخوا کے ضلع کوہاٹ کے علاقہ پستہ سنڈہ میں نامعلوم مسلح افراد کی فائرنگ سے پولیس اہلکار ہلاک ہوگیا۔
کوہاٹ کے علاقہ پستہ سنڈہ میں نامعلوم مسلح افراد کی فائرنگ سے پولیس اہلکار سیف اللہ ہلاک ہوگیا۔ ذرائع کے مطابق پولیس اہلکار کو گھر جاتے ہوئے راستے میں ٹارگٹ کلنگ کا نشانہ بنایا گیا۔#Kohat #Pakistan pic.twitter.com/00lKaV0hEu
— Shabbir Hussain Turi (@ShabbirTuri) September 22, 2022
ذرائع کے مطابق ڈسٹرکٹ سیکیورٹی برانچ میں تعینات پولیس کانسٹیبل سیف اللہ گزشتہ شب گھر جاتے ہوئے راستے میں نامعلوم افراد کی فائرنگ سے ہلاک ہوگئے تھے۔
کوہاٹ گمبٹ کے علاقہ پستہ سنڈہ میں ڈسٹرکٹ سیکیورٹی برانچ میں تعینات کانسٹیبل سیف اللہ گھر جاتے وقت نامعلوم شرپسندوں کی فائرنگ سے شہادت کے مرتبے پر فائز ہوگئے۔ pic.twitter.com/eSAX6tb72g
— KP Police (@KP_Police1) September 23, 2022
آج دوپہر کو پولیس کانسٹیبل سیف اللہ کی نماز جنازہ انکے آبائی علاقہ پستہ سنڈہ شادی پور میں ادا کردی گئی۔
کانسٹیبل کی آبائی قبرستان میں پورے سرکاری اعزاز کے ساتھ تدفین کے رسومات بھی ادا کر دئیے گئے۔
نماز جنازہ میں ڈسٹرکٹ پولیس آفیسر شفیع اللہ خان گنڈاپور اور پولیس و عسکری و سول انتظامیہ کے حکام، شہید کے ورثاء اور لوگوں نے بڑی تعداد میں شرکت کی۔
دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔