کوہاٹ میں نامعلوم مسلح افراد کی فائرنگ سے پولیس اہلکار ہلاک

کوہاٹ (نمائندہ ڈیلی اردو) صوبہ خیبر پختونخوا کے ضلع کوہاٹ کے علاقہ پستہ سنڈہ میں نامعلوم مسلح افراد کی فائرنگ سے پولیس اہلکار ہلاک ہوگیا۔

ذرائع کے مطابق ڈسٹرکٹ سیکیورٹی برانچ میں تعینات پولیس کانسٹیبل سیف اللہ گزشتہ شب گھر جاتے ہوئے راستے میں نامعلوم افراد کی فائرنگ سے ہلاک ہوگئے تھے۔

آج دوپہر کو پولیس کانسٹیبل سیف اللہ کی نماز جنازہ انکے آبائی علاقہ پستہ سنڈہ شادی پور میں ادا کردی گئی۔

کانسٹیبل کی آبائی قبرستان میں پورے سرکاری اعزاز کے ساتھ تدفین کے رسومات بھی ادا کر دئیے گئے۔

نماز جنازہ میں ڈسٹرکٹ پولیس آفیسر شفیع اللہ خان گنڈاپور اور پولیس و عسکری و سول انتظامیہ کے حکام، شہید کے ورثاء اور لوگوں نے بڑی تعداد میں شرکت کی۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

اپنا تبصرہ بھیجیں