سوات میں سیکیورٹی فورسز کے ساتھ جھڑپ میں شدت پسند ہلاک

سوات (نمائندہ ڈیلی اردو) صوبہ خیبر پختونخوا کے ضلع سوات کے علاقے منگلور میں سی ٹی ڈی پولیس پر عسکریت پسندوں کے حملے میں ایک مبینہ شدت پسند مارا گیا۔

پولیس حکام کے مطابق منگلور میں سی ٹی ڈی پولیس اور پاک فوج کی سپیشل فورسز مشترکہ سرچ آپریشن کر رہے تھے، دوران آپریشن عسکریت پسندوں نے اُن پر فائرنگ کر دی۔ سیکورٹی فورسز کی جوابی فائرنگ عادل زیب نامی شدت پسند مارا گیاجبکہ ان کے دیگر ساتھی فرار ہوگئے۔

شدت پسند عادل زیب فورسز کو دہشت گردی کے 3 مقدمات میں مطلوب تھا۔ پولیس کے مطابق مقدمہ درج کرکے علاقے کو گھیرے میں لے کر سرچ آپریشن شروع کردیا ہے۔

اس خبر پر اپنی رائے کا اظہار کریں

اپنا تبصرہ بھیجیں