پاک انگلینڈ میچ کے دوران قذافی اسٹیڈیم سے 2 مسلح افراد گرفتار، 2 سب مشین گنز برآمد

لاہور (ڈیلی اردو) صوبہ پنجاب کے دارالحکومت لاہور میں پاکستان اور انگلینڈ کے درمیان اتوار کو کھیلے گئے سیریز کے آخری میچ کے دوران قذافی اسٹیڈیم کے گیٹ نمبر 14 سے 2 مسلح افراد کو گرفتار کر کے مقدمہ درج کر لیا گیا۔

پولیس کے مطابق دونوں ملزمان عمران اور عصمت اللہ کا تعلق بنوں سے ہے۔ ملزمان ڈپٹی اسپیکر قومی اسمبلی زاہد درانی کے ذاتی گارڈ بتائے جاتے ہیں۔ 

پولیس کا کہنا ہے کہ ملزمان کے قبضے سے 2 سب مشین گنز اور 2 سو سے زائد گولیاں برآمد کی گئیں۔ 

پولیس کے مطابق دونوں ملزمان میں سے ایک کی ضمانت ہوگئی ہے جبکہ دوسرے سے تفتیش جاری ہے۔  

اپنا تبصرہ بھیجیں