اسرائیلی فوج کا پناہ گزینوں کے کمپ پر دھاوا، 3 فلسطینی ہلاک، 10زخمی

غزہ (ڈیلی اردو/آئی این پی) فلسطین کے شہر جینن میں اسرائیلی فورسز کی فائرنگ سے 3 فلسطینی ہلاک ہوگئے۔

غیر ملکی میڈیا کے مطابق فلسطین کی وزارت صحت کی جانب سے جاری بیان میں کہا گیا ہے کہ اسرائیلی فوج نے شہر جینن میں شمال مغربی کنارے پر قائم پناہ گزینوں کے کیمپ پر چھاپہ مارا، فلسطینی میڈیا کے مطابق جمعرات کی صبح بڑی تعداد میں اسرائیلی فوجیوں نے پناہ گزینوں کے کیمپ پر دھاوا بوالا، جس کی وجہ سے مقامی باشندوں کے ساتھ پرتشدد تصادم شروع ہو گیا اور اسرائیلی فورسز نے فائرنگ کر کے 3 فلسطینیوں کو ہلاک کر دیا۔

میڈیا رپورٹس کے مطابق اسرائیلی فوج کی فائرنگ کے باعث 10افراد زخمی بھی ہوئے جنہیں علاج کے لیے ہسپتال منتقل کر دیا گیا۔

میڈیا رپورٹس میں بتایا گیا ہے کہ تازہ ترین اعداد و شمار کے مطابق سال کے آغاز سے اب تک اسرائیلی فوج کے ہاتھوں مارے گئے فلسطینیوں کی تعداد 216 ہو گئی ہے۔

اپنا تبصرہ بھیجیں