واشنگٹن + لندن (ڈیلی اردو) امریکہ نے اعلان کیا ہے کہ یوکرائنی فوجی امریکی فوجی اڈوں میں تربیت حاصل کریں گے۔ اس کے ساتھ فوجیوں کو پیٹریاٹ میزائل دفاعی نظام کے استعمال کی تربیت بھی دی جائے گی۔
غیرملکی خبررساں ادارے کے مطابق امریکی حکام نے بتایا کہ یوکرینی فوجیوں کا تربیتی مشن امریکی ریاست اوکلاہوما کے فورٹ سل فوجی اڈے پر ہوگا۔
ادھر روسی نیم فوجی تنظیم ویگنر گروپ نے مشرقی یوکرائن میں سولیدار قصبے پر کنٹرول کا دعوی کیا ہے۔ جبکہ کیف کی جانب سے دعوے کو مسترد کرتے ہوئے کہا گیا ہے کہ کوشش ناکام بنا دی گئی ہے۔
