پشاور کے علاقے بڈھ بیر میں پولیس موبائل کے قریب دھماکا

پشاور (نمائندہ ڈیلی اردو) صوبہ خیبر پختونخوا کے صوبائی دارالحکومت پشاور میں تھانہ بڈھ بیر کی حدود میں پولیس کی گاڑی کے قریب دھماکا ہوا ہے۔

پولیس کے مطابق تھانہ بڈھ بیر کی حدود میں انچارج شیخان پولیس چوکی ناصر خان کی گاڑی کے قریب ریموٹ کنٹرول ڈیوائس کی مدد سے دھماکا کیا گیا۔

پولیس کے مطابق بارودی مواد پینٹ کے ڈبے میں رکھا گیا تھا، دھماکے سے پولیس کی گاڑی کو نقصان پہنچا تاہم جانی نقصان نہیں ہوا۔

پولیس کی بھاری نفری موقع پر پہنچ گئی، علاقے میں سرچ آپریشن شروع کردیا۔

دوسری جانب کالعدم تحریک طالبان پاکستان نے بڈھ بیر میں پولیس گاڑی پر حملے کی ذمہ داری قبول کرلی۔

اپنا تبصرہ بھیجیں