کوئٹہ (ڈیلی اردو) صوبہ بلوچستان کے ضلع مستونگ میں اسسٹنٹ کمشنر مستونگ برکت علی بلوچ کی گاڑی پر مسلح افراد نے فائرنگ کردی۔
لیویز حکام کے مطابق لیویز تھانہ ولی خان کی حدود میں بائی پاس پر نامعلوم مسلح افراد نے اسسٹنٹ کمشنر مستونگ برکت علی بلوچ کی گاڑی پر اندھا دھند فائرنگ کردی اور حملہ آور فرار ہوگئے۔
فائرنگ سے گاڑی میں سوار لیویز اہلکار محمد اکرم موقع پر ہلاک جبکہ نائب رسالدار محمد ظاہر زخمی ہوگیا۔ واقعے کے بعد لاش اور زخمی اہلکار کو نواب غوث بخش ہسپتال منتقل کیا گیا۔
https://twitter.com/ShabbirTuri/status/1617210146702381061?t=fHNTMUudS7KrVyjv0gcJuA&s=19
لیویز کے مطابق فائرنگ سے اسسٹنٹ کمشنر مستونگ برکت علی بلوچ محفوظ رہے ہیں۔
واقعے کے بعد سیکیورٹی فورسز نے علاقے کو گھیرے میں لیکر حملہ آوروں کی تلاش کیلئے یلئے ملحقوں علاقوں میں سرچ آپریشن شروع کردیا ہے۔
دوسری جانب حملے کی ذمہ داری کالعدم تنظیم لشکر جھنگوی کے مرکزی ترجمان غازی حق نواز نے قبول کرلی۔
https://twitter.com/abdsayedd/status/1617231130511704065?t=pEJM-YmrAN-4jYBNHuJD6Q&s=19
