ڈی جی خان (ڈیلی اردو) صوبہ پنجاب کے ضلع ڈیرہ غازی خان کے علاقے جھنگی میں کاؤنٹر ٹیررازم ڈپارٹمنٹ (سی ٹی ڈی) اہلکاروں اور دہشت گردوں کے درمیان مقابلہ ہوا۔
ترجمان سی ٹی ڈی کے مطابق مقابلے میں کالعدم تنظیم کے 2 دہشت گرد ہلاک اور دو فرار ہوگئے، دہشت گرد پولیس چیک پوسٹ پر حملے کرنا چاہتے تھے، سی ٹی ڈی نے موقع پر پہنچ کر دہشت گردوں کو پکڑنے کی کوشش کی تو دہشت گردوں نے سی ٹی ڈی اہلکاروں پر فائرنگ کی۔
ڈیرہ غازی خان خان کے علاقے موزہ جھنگی میں سی ٹی ڈی اور دہشت گردوں میں فائرنگ کے تبادلے میں دو دہشت گرد مارے گئے جبکہ دو فرار ہوگئے۔ دہشت گردوں کے قبضے سے ایک کلاشنکوف، 2 ہینڈ گرنیڈ، گولیاں، باوردی مواد برآمد کرلیا گیا۔#DGKhan #Punjab #Pakistan pic.twitter.com/X6bIwSDCTU
— Shabbir Hussain Turi (@ShabbirTuri) January 28, 2023
سی ٹی ڈی ترجمان کے مطابق پولیس کی جانب سے جوابی فائرنگ میں 2 دہشت گرد ہلاک ہوئے، ہلاک دہشت گردوں کی شناخت روہید خان اور حنیف اللہ کے ناموں سے ہوئی ہے جن کا تعلق خیبر پختونخوا سے ہے، دہشت گرد خیبرپختونخوا سمیت لاہور، اسلام آباد اور راولپنڈی میں دہشت گردی کی کارروائیاں کر چکے ہیں۔
ملزمان کے قبضے سے ایک عدد کلاشنکوف، 2 عدد ہینڈ گرنیڈ، گولیاں، باوردی مواد برآمد کر لیا گیا۔
دہشت گردوں کا تعلق کالعدم تنظیم سے ہے، فرار ہونے والے دہشت گردوں کی گرفتاری کی کوشش جاری ہے، دہشت گردوں کے خلاف قانونی کارروائی شروع کردی ہے۔