کوئٹہ (ڈیلی اردو) صوبہ بلوچستان کے ساحلی ضلع گوادر کے علاقے جیوانی میں بارودی سرنگ کے دھماکے اور اس کے بعد مسلح عسکریت پسندوں کی جانب سے گھات لگا کر کیے گئے حملے میں ایک فوجی ہلاک اور 7 زخمی ہوگئے۔
بلوچستان: گوادر کے علاقے جیونی میں کوسٹ گارڈ کی گاڑی پر بارودی سرنگ سے حملہ اور فائرنگ، سمیر ثاقب جان نامی اہلکار ہلاک جبکہ 7 اہلکار زخمی ہوگئے، زخمیوں اہلکاروں میں حوا وقار، لانس نائیک محبوب، مدثر، ڈی وی آر سلیم، عرفان، جنید، طاہر شامل ہیں۔#Jiwani #Gwadar #Balochistan
— Shabbir Hussain Turi (@ShabbirTuri) February 4, 2023
حکام کے مطابق کوسٹ گارڈز اہلکار اپنی گاڑی میں جا رہے تھے کہ اس دوران ان کی گاڑی بارودی سرنگ سے ٹکرا گئی۔
دھماکے کے بعد گھات لگائے موٹر سائیکل سوار مسلح ملزمان نے گاڑی پر فائرنگ کردی، ہلاک فوجی اہلکار کی شناخت سمیر کے نام سے ہوئی ہے۔
جیوانی پولیس اسٹیشن پر تعینات سینئر پولیس افسر حافظ بلوچ نے بتایا کہ ہلاک اور زخمی ہونے والے اہلکاروں کو قریبی ہسپتال منتقل کیا گیا۔
حملہ آوروں کی گرفتاری کے لیے علاقے میں سرچ آپریشن شروع کر دیا گیا۔
دوسری جانب حملے کی ذمہ داری کالعدم بلوچ لبریشن آرمی نے قبول کرلی۔