اسلام آباد (ڈیلی اردو) وزیراعظم شہباز شریف نے ڈاکٹر عافیہ صدیقی کی جلد رہائی کے لیے امریکی حکومت کے ساتھ ساتھ واشنگٹن میں پاکستانی مشن کے ساتھ مکمل طور پر رابطے میں رہنے کی ہدایت اور ڈاکٹر فوزیہ صدیقی کو ملاقات میں حکومت کی جانب سے مکمل تعاون کا یقین دلایا۔
وزیراعظم شہباز شریف سے ڈاکٹر عافیہ صدیقی کی بہن ڈاکٹر فوزیہ صدیقی نے بھی ملاقات کی۔
ڈاکٹر فوزیہ نے حکومت کی جانب سے بہن کی بہبود کے لیے کیے جانے والے اقدامات کو سراہا اور حکومت سے درخواست کی کہ وہ ڈاکٹر عافیہ کی جلد رہائی کے لئے اپنی کوششوں کو بڑھائے۔
وزیراعظم نے ڈاکٹر فوزیہ صدیقی کو حکومت پاکستان کی جانب سے مکمل تعاون کا یقین دلایا۔
Dr.Fowzia Siddiqui, sister of Dr. Aafia Siddiqui calls on Prime Minister Muhammad Shehbaz Sharif (16.3.23). pic.twitter.com/gb8wNqnqWE
— PMLN (@pmln_org) March 16, 2023
شہباز شریف نے ڈاکٹر عافیہ کے لئے انصاف کے حصول میں ڈاکٹر فوزیہ کی کئی سالوں سے انتھک کوششوں کو سراہا اور ڈاکٹر عافیہ کی صحت یابی کے لئے دعا کی۔
وزیراعظم نے وزارت خارجہ کو ڈاکٹر عافیہ کی خیریت اور ان کی جلد رہائی کے لئے امریکی حکومت کے ساتھ ساتھ واشنگٹن میں پاکستانی مشن کے ساتھ مکمل طور پر رابطے میں رہنے کی بھی ہدایت کی۔
