پشاور (بیورو رپورٹ) کاؤنٹر ٹیررازم ڈیپارٹمنٹ (سی ٹی ڈی) نے خیبر پختونخوا کے دارالخلافہ پشاور سمیت 3 اضلاع سے 11 دہشت گردوں کو گرفتار کر لیا۔
سی ٹی ڈی حکام کے مطابق گرفتار دہشت گردوں کا تعلق کالعدم تنظیم تحریک طالبان پاکستان (ٹی ٹی پی) سے ہے۔
سی ٹی ڈی نے پشاور، چارسدہ، مردان اور خیبر سمیت دیگر اضلاع میں کارروائی کرتے ہوئے کالعدم تحریک طالبان پاکستان کے 11 دہشت گردوں کو گرفتار کرلیا، ملزمان سے اسلحہ اور گولہ بارود برآمد۔ #CTD #TTP #Peshawar #Charsadda #Mardan #Khyber
— Shabbir Hussain Turi (@ShabbirTuri) March 17, 2023
سی ٹی ڈی کے ترجمان نے بتایا ہے کہ دہشت گردوں کے قبضے سے بارودی مواد اور اسلحہ برآمد ہوا ہے۔
سی ٹی ڈی کے ترجمان کا کہنا ہے کہ گرفتار دہشت گردوں کے خلاف مقدمات درج کر لیے گئے ہیں جبکہ ان سے تفتیش بھی جاری ہے۔