کوئٹہ (ڈیلی اردو) صوبہ بلوچستان کے ضلع پشین کے مقامی مدرسے میں دھماکے کے باعث ایک طالب علم زخمی ہو گیا۔
لیویز کے مطابق پشین کے علاقے سرانان میں دھماکہ سے مدرسے کا طالبعلم محمد یونس زخمی ہو گیا، دھماکہ خیز مواد پین میں رکھا گیا تھا جو استعمال کے دوران پھٹا، دھماکے سے طالبعلم کے دونوں بازو بری طرح سے متاثر ہوئے۔
زخمی طالب علم کو ابتدائی طبی امداد کے بعد پشین سے کوئٹہ منتقل کر دیا گیا۔
واقعے کے بعد مقامی انتظامیہ نے موقع پر پہنچ کر تحقیقات شروع کر دی ہیں۔
