واشنگٹن (ڈیلی اردو/وی او اے) امریکہ اور برطانیہ نے ہیروں اور فن پاروں کا کاروبار کرنے والے ایک ڈیلر ناظم احمد پر پابندیوں کا اعلان کیا ہے کیوں کہ ان پر لبنان میں قائم عسکری گروپ حزب اللہ کو مالی مدد فراہم کرنے کا الزام ہے۔
Reward up to $10 Million
40 years ago today, Hizballah bombed the U.S. Embassy in Beirut, killing scores of people.
Help us disrupt Hizballah's finances.
Nazen Ahmad is a major Hizballah financier. Have info on him? Send us your tip.
You could be eligible for a reward. pic.twitter.com/ikBYwQky3u
— Rewards for Justice (@RFJ_USA) April 18, 2023
پابندیوں کا اعلان کرتے ہوئے برطانیہ نے کہا کہ اس نے ناظم احمد کے اثاثے منجمد کر دیے ہیں اور برطانیہ میں کسی کو بھی ان کے ساتھ یا ان کی ملکیت میں کسی بھی کمپنی کے ساتھ کاروبار کرنے سے روک دیا ہے۔
امریکہ جس نے 2019 میں احمد کے خلاف اسی طرح کی پابندیاں نافذ کی تھیں، مزید کارروائیوں کا اعلان کیا۔
ان پابندیوں کا اطلاق متعدد ممالک میں موجود ان 52 افراد اور ایک نیٹ ورک میں شامل اداروں پر ہوگا جنہوں نے احمد کے فائدے کے لیے نقد رقم، ہیرے، قیمتی جواہرات، فن پاروں اور عیش و عشرت کے سامان کی ترسیل میں سہولت فراہم کی ۔
واشنگٹن میں محکمہ خزانہ نے ایک بیان میں کہا کہ ان اداروں نے احمد کو امریکی پابندیوں سے بچنے میں “حزب اللہ کی مالی اعانت اور اس کے پرتعیش طرز زندگی کو برقرار رکھنے میں مدد کی۔”
ساتھ ہی امریکی محکمہ خارجہ نے بھی حزب اللہ کی مالی معاونت کے بارے میں مزید معلومات کی فراہمی پر پہلےسےرکھے گئے 10 ملین ڈالر کے انعام کی طرف توجہ دلائی۔
