طیارہ خوفناک حادثے سے بچ گیا، نشے میں دھت پی آئی اے پائلٹ کا پرواز برمنگھم لے جانےکا انکشاف

اسلام آباد (ویب ڈیسک) پائلٹ کو فوری طور پر معطل کرکے تحقیقات کے لیے انکوائری کمیٹی تشکیل دے دی ، ترجمان پی آئی اے

نجی ٹی وی کے مطابق پی آئی اے کا پائلٹ نشے کی حالت میں ہی پرواز کو اسلام آباد سے برمنگھم لے گیا، جس پر اسے فوری طور پر معطل کرکے تحقیقات شروع کردی گئیں۔

ترجمان پی آئی کا کہنا ہے کہ سینئر پائلٹ عمر خیام نے مبینہ طور پر شراب پی رکھی تھی اور اسی حالت میں وہ جہاز اڑا کر اسلام آباد سے برمنگھم لے گیا، پائلٹ کے نشے میں ہونے کے حوالے سے کیبن کریو نے اطلاع دی، جس پر چئیرمین پی آئی اے نے پائلٹ کو فوری طور پر معطل کر کے انکوائری کا حکم دے دیا اور ایک انکوائری کمیٹی بھی تشکیل دے دی۔

ترجمان پی آئی اے کا کہنا تھا کہ متعلقہ ادارے سے پائلٹ کے میڈیکل چیک میں الکحل کی موجودگی کی تفصیلی رپورٹ ملنے پر مذکورہ پائلٹ کے خلاف قوانین کے مطابق سخت کارروائی کی جائے گی جس میں ملازمت سے برخواستگی بھی شامل ہے۔

اپنا تبصرہ بھیجیں