راولپنڈی (ک م) صوبہ خیبر پختونخوا کے قبائلی ضلع شمالی وزیرستان کے علاقے دوسالی میں سکیورٹی فورسز سے جھڑپ کے دوران دو دہشتگرد مارے گئے جبکہ ان سے اسلحہ بھی برآمد کرلیا گیا۔
پاکستانی فوج کے شعبہ تعلقات عامہ آئی ایس پی آر کے مطابق سکیورٹی فورسز نے دوسالی میں دہشتگردوں کے خلاف مؤثر جوابی کارروائی کی، فائرنگ کے تبادلے میں دو شرپسند ہلاک ہوئے جن سے ہتھیار برآمد، کر لیے گئے۔
ہلاک دہشتگرد سکیورٹی فورسز پر حملوں اور شہریوں کے قتل میں ملوث تھے۔ علاقے میں ممکنہ دہشتگردوں کے خاتمے کیلیے فورسز کا سرچ آپریشن جاری ہے۔
آئی ایس پی آر کے مطابق مقامی افراد نے آپریشن کی مکمل حمایت اور دہشتگردی کے خاتمے میں تعاون کا عزم کیا۔
