لکی مروت (ڈیلی اردو) صوبہ خیبرپختونخوا کے ضلع لکی مروت میں شہباز خیل پولیس چوکی پر دہشت گردوں کی فائرنگ سے ایک پولیس اہلکار ہلاک ہوگئے۔
#Pakistan: A policeman was killed in a gun attack last night in the Shahbaz Khel area of Lakki Marwat district. https://t.co/f81ss9vwnC
— ???? (@cozyduke_apt29) June 9, 2023
دہشتگردوں کی فائرنگ سے ہلاک ہونے والے اہلکار کی شناخت ذکریا کے نام سے ہوئی، پولیس کی جانب سے جوابی کاروائی کے بعد حملہ آور فرار ہوگئے۔
لکی مروت: شہبازخیل میں نامعلوم شرپسندوں کی فائرنگ سےشہید ہونے والے کانسٹیبل زکیریا کی نماز جنازہ پولیس لائن لکی مروت میں ادا کر دی گئی.
نماز جنازہ میں ڈی پی او لکی مروت محمد اشفاق خان،پاک فوج کے افسران اور ایس ڈی پی اوز سمیت پولیس افسران واہلکاروں نے کثیر تعداد میں شر کت کی. pic.twitter.com/np1MQW1n4y— KP Police (@KP_Police1) June 9, 2023
دوسری جانب کالعدم تنظیم تحریک طالبان پاکستان نے پولیس اہلکاروں پر ہونے والے حملے کی ذمہ داری قبول کرلی۔
خیال رہے کہ گزشتہ روز سوات کے شہر مینگورہ میں سبزی منڈی کے قریب فائرنگ سے 2 پولیس اہلکار ہلاک ہوگئے۔
ضلع سوات کے شہر مینگورہ میں سبزی منڈی کے قریب نامعلوم افراد نے پولیس پر حملہ کردیا، فائرنگ کے نتیجے میں 2 اہلکاروں سمیت تین افراد ہلاک ہوگئے تھے۔جبکہ ایک بینک کا سیکیورٹی گارڈ زخمی ہوگیا۔
ڈی پی او سوات نے بتایا کہ بعد ازاں، سیکیورٹی گارڈ نے زخموں کے تاب نہ لاتے ہوئے ہسپتال میں دم توڑ دیا۔
پولیس کا کہنا ہے کہ دو اہلکار عمر خان اور اشرف علی معمول کی ڈیوٹی پر تعینات تھے کہ نامعلوم افراد نے ان پر فائرنگ کردی، دونوں اہلکاروں کے سروں پر گولیاں لگیں۔
ادھر حملے کی ذمہ داری کالعدم تنظیم تحریک طالبان پاکستان نے قبول کرلی۔
