خیبرپختونخوا میں 5 ماہ کے دوران 100 کے قریب پولیس اہلکار و افسران ہلاک

پشاور (مانیٹرنگ ڈیسک) صوبائی دارالحکومت پشاور سمیت صوبہ خیبرپختونخوا میں ساڑھے 5 ماہ کے دوران 100 کے قریب پولیس اہلکاروں و افسران کو ہلاک کیا گیا ہے جس میں افسران بھی شامل ہیں۔ پشاور پولیس لائنز خودکش دھماکے میں 80 سے زائد پولیس اہلکار ہلاک ہوگئے تھے۔ یکم جنوری سے 8 جون تک پشاور سمیت صوبے بھر باالخصوص جنوبی اضلاع میں پولیس افسران اور اہلکاروں کو ٹارگٹ کیا گیا۔

پولیس کے اعداد و شمار کے مطابق رواں سال کے دوران 3 ڈی ایس پیز بھی دہشتگردی کی وارداتوں کے دوران ہلالک ہو چکے ہیں۔

پشاور پولیس لائنز دھماکہ خیبرپختونخوا پولیس کی تاریخ میں سب سے بڑا سانحہ تھا، بنوں سی ٹی ڈی تھانہ پر حملہ اور سوات کبل میں سی ٹی ڈی پولیس تھانہ میں پراسرار دھماکے میں بھی پولیس اہلکار ہلاک اور زخمی ہوگئے تھے۔ واضح رہے کہ گزشتہ روز بھی سوات مینگورہ میں 2 اہلکاروں کو ہلاک کردیا گیا تھا جبکہ دو روز قبل پشاور تھانہ سربند کی چوکی اچینی پر نامعلوم افراد نے حملہ کردیا تھا تاہم خوش قسمتی سے کوئی جانی نقصان نہیں ہوا۔

اپنا تبصرہ بھیجیں