اسرائیل کی صیہونی فوج نے غزہ پر بڑا حملہ کردیا

غزہ (نیوز ڈیسک) اسرائیل کی صیہونی فوج نے ایک بار پھر غزہ پر حملہ کردیا۔ اسرائیلی طیاروں نے بمباری کرکے داخلی سلامتی کی ایجنسی کی عمارت کو تباہ کردیا جبکہ ایک انشورنس کمپنی کی 5 منزلہ بلڈنگ پر بھی بم برسائے ہیں۔

اسرائیلی آرمی کی جانب سے جاری بیان کے مطابق انہوں نے غزہ سے اسرائیل میں راکٹ فائر ہونے کے جواب میں حماس کے خلاف آپریشن کا آغاز کیا ہے۔ اس راکٹ حملے میں 7 اسرائیلی شہری زخمی ہوئے تھے۔

فلسطین کے عینی شاہدین کا کہنا ہے کہ اسرائیل کی قابض افواج نے غزہ میں بمباری شروع کردی ہے۔ اسرائیلی فضائیہ کے طیاروں نے غزہ میں المنتظم انشورنس کمپنی کی 5 منزلہ بلڈنگ پر بم برسائے ہیں۔

زیر نظر تصویر میں المنتظم انشورنس کمپنی کی بلڈنگ سے دھواں نکلتے دیکھا جاسکتا ہے

علاوہ ازیں اسرائیلی فضائیہ نے غزہ میں اندرونی سکیورٹی کے زیر استعمال بلڈنگ کو بمباری کرکے تباہ کردیا ۔

زیر نظر تصویر میں داخلی سکیورٹی کے ادارے کی بلڈنگ سے آگ کے شعلے نکلتے دیکھے جاسکتے ہیں

Facebook Notice for EU! You need to login to view and post FB Comments!

اس خبر پر اپنی رائے کا اظہار کریں

اپنا تبصرہ بھیجیں