کراچی (بیورو رپورٹ) صوبہ سندھ کے ضلع جامشورو میں کاؤنٹر ٹیررازم ڈیپارٹمنٹ نے آپریشن کرتے ہوئے کالعدم تنظیم کے دہشت گرد کو گرفتار کرلیا۔
تفصیلات کے مطابق سی ٹی ڈی حیدرآباد نے ہفتہ کو جامشورو میں کارروائی کرتے ہوئے کالعدم تنظیم کے دہشت گرد کو گرفتار کرلیا۔
ترجمان کے مطابق کارروائی کے دوران تحریک طالبان پاکستان (ٹی ٹی پی) کے دہشت گرد زمان عرف عادل کو گرفتار کر لیا گیا۔ گرفتار دہشت گرد سے نقدی اور موبائل فون برآمد ہوئے ہیں۔
سی ٹی ڈی کے ترجمان نے بتایا کہ گرفتار دہشت گرد افغانستان سے تربیت یافتہ ہے اور دہشت گردی کی کارروائیوں میں ملوث رہا ہے۔
