آواران (نمائندہ ڈیلی اردو) بلوچستان کے ضلع آواران کے علاقے مشکے میں سیکورٹی چیک پوسٹ پر مسلح افراد کا حملہ فائرنگ سے دو اہلکار زخمی ہو گئے جبکہ جوابی کارروائی تین حملہ آور بھی زخمی ہوئے جنہیں ساتھی لے کر فرار ہو گئے۔
سیکورٹی ذرائع کے مطابق مشکے میں سیکورٹی چیک پوسٹ پر جمعرات کو چار موٹرسائیکلوں پر سوار مسلح افراد نے فائرنگ کر دی جس کے نتجیے میں ڈیوٹی پر موجود دو اہلکار طارق اور نذیر زخمی ہو گئے جبکہ دیگر اہلکاروں کی جوابی کارروائی پر تین حملہ آور بھی زخمی ہوئے جنہیں ان کے ساتھی لے کر قریبی پہاڑوں کی جانب فرار ہو گئے۔
اطلاع ملنے پر سیکورٹی فورسز کی بھاری نفری نے موقع پر پہنچ کر علاقے کو گھیرے میں لے کر زخمیوں کو ہسپتال پہنچایا جبکہ حملہ آوروں کی گرفتاری میں آپریشن شروع کر دیا گیا۔
سیکیورٹی فورسز پر حملے کی ذمہ داری کالعدم تنظیم بلوچ لبریشن فرنٹ نے قبول کرلی
