پشاور (ڈیلی اردو) رواں سال بنوں پولیس پر مجموعی طور پر 30 دہشت گرد حملے رپورٹ ہوئے ہیں، جن میں سے 7 پولیس اہلکار ہلاک جبکہ 15 اہلکار زخمی ہوئے ہیں۔
خیبر پختونخوا پولیس کے مطابق ان حملوں کا جواب دیتے ہوئے سیکیورٹی فورسز نے 18 حملہ آوروں کو مارا اور 20 دہشت گردوں کو گرفتار بھی کیا۔ رپورٹ میں یہ بھی بتایا گیا کہ تھانہ جات، چوکیات اور موبائل وین پر مجموعی طور پر 26 حملے ہوئے، جب کہ 4 ٹارگٹ کلنگ کے واقعات بھی رپورٹ ہوئے ہیں۔
خصوصی طور پر اپریل کے مہینے میں، بنوں پولیس پر 9 حملے ریکارڈ کیے گئے، جن میں تھانہ جات، چوکیات اور موبائل وین کو نشانہ بنایا گیا۔
پولیس حکام کا کہنا ہے کہ وہ دہشت گردوں کے خلاف کارروائیوں میں مزید شدت لائیں گے تاکہ علاقے کو امن کا گہوارہ بنایا جا سکے۔
