لاہور (نمائندہ ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) پنجاب نے کالعدم تنظیم ٹی ٹی پی کا دہشت گرد گرفتار کرکے مقدمہ درج کرلیا۔
تفصیلات کے مطابق ساہیوال میں سی ٹی ڈی پولیس نے کارروائی کے دوران کالعدم تنظیم تحریک طالبان پاکستان (ٹی ٹی پی) کا دہشت گرد گرفتار کرلیا۔
سی ٹی ڈی حکام نے بتایا گرفتار دہشت گرد سے اسلحہ، بارودی مواد، پرائما کارڈ، ڈیٹونیٹر اور بیٹری برآمد ہوئی ہے۔
حکام کا کہنا تھا کہ دہشت گرد کی شناخت شادو خان کے نام سے ہوئی ہے۔ ملزم کے خلاف مقدمہ درج کرلیا گیا ہے۔
