راولپنڈی (ڈیلی اردو) پاکستان کا نصر میزائل کا کامیاب تجربہ، نصر میزائل زمین سے زمین پر مار کرنے والا بیلسٹک میزائل ہے، نصرمیزائل نے کامیابی سے ہدف کونشانہ بنایا۔
تفصیلات کے مطابق پاک فوج کے تعلقات عامہ کے شعبہ (آئی ایس پی آر) کی جانب سے جاری ہونے والے بیان میں بتایا گیا ہے کہ پاک فوج نے زمین سے زمین پر مار کرنے والے بیسٹک میزائل نصر کا کامیاب تجربہ کر لیا ہے، نصر میزائل نے کامیابی سے ہدف کو نشانہ بنایا۔ ماہرین دفاع کے مطابق نصر میزائل کے کامیاب تجربہ سے پاکستان کی دفاعی صلاحیت میں مزید اضافہ ہوا ہے.
جنرل زبیر نے آرمی اسٹریٹجک فورس کمانڈ، سائنس دانوں اور انجینئرز کو مبارک باد دی۔
وزیراعظم عمران خان، صدر مملکت عارف علوی اور سروسز چیفس نے میزائل کی کامیاب آزمائشی لانچ پر پاک فوج اور قوم کو مبارکباد پیش کی ہے۔
