296

نوشہرو فیروز: صحافی علی شیر راجپر کو نامعلوم افراد نے فائرنگ کرکے قتل کردیا

نوشہرو فیروز (ڈیلی اردو) سندھ کے ضلع نوشہرو فیروز کے شہر پڈعیدن کے پریس کلب پر نامعلوم افراد کی فائرنگ سے صحافی جاں بحق ہوگئے

تفصیلات کے مطابق سٹی پریس کلب پڈعیدن پر نامعلوم مسلح افراد نے فائرنگ کر دی، فائرنگ کے نتیجے میں جنرل سیکرٹری پریس کلب پڈعیدن علی شیر راجپر موقع پر جاں بحق ہوگئے۔

واقع کی اطلاع ملنے پر پولیس نے پہنچ کر لاش کو تحویل میں لے کر پوسٹ مارٹم کے لیے ہپستال منتقل کردیا۔

علی شیر راجپر کے قتل کی خبر پر پڈعیدن سمیت اندرون سندھ کے صحافیوں میں غم وغصہ کی لہر دوڑ گئی اور صحافی برادری سراپا احتجاج بن گئی اور پولیس آئی جی سندھ ایس ایس پی نوشہرو فیروز ایس ایچ او پڈعیدن سے مطالبہ کیا ہے کہ صحافی علی شیر راجپر کے قاتلوں کو فی الفور گرفتار کیا جائے۔

یاد رہے کہ دو روز قبل خیبر پختونخوا کے ضلع ڈیرہ اسماعیل خان میں مقامی صحافی ملک امان اللہ کو نامعلوم افراد نے فائرنگ کر کے قتل کر دیا تھا

اس خبر پر اپنی رائے کا اظہار کریں

اپنا تبصرہ بھیجیں