16/May/2025

بلوچستان: خضدار میں سی پیک روٹ پر لیویز چیک پوسٹ پر حملہ، 4 اہلکار ہلاک

👁️ 76 بار دیکھا گیا

ایڈمن
امریکا
بلوچستان: خضدار میں سی پیک روٹ پر لیویز چیک پوسٹ پر حملہ، 4 اہلکار ہلاک

بلوچستان: خضدار میں سی پیک روٹ پر لیویز چیک پوسٹ پر حملہ، 4 اہلکار ہلاک

کوئٹہ (نمائندہ ڈیلی اردو) بلوچستان کے ضلع خضدار کی تحصیل نال میں نامعلوم شدت پسندوں نے لیویز فورس کی چیک پوسٹ پر حملہ کر دیا، جس کے نتیجے میں چار سیکیورٹی اہلکار ہلاک ہو گئے۔

پولیس ذرائع کے مطابق واقعہ تحصیل نال کے علاقے صمند میں پیش آیا، جہاں رات کی تاریکی میں متعدد مسلح افراد نے لیویز کی چیک پوسٹ کو نشانہ بنایا۔ فائرنگ کے تبادلے میں چار اہلکار مقبول، خدا بخش، اعجاز احمد اور محمد علی موقع پر ہی ہلاک ہو گئے۔ لاشوں کو قریبی اسپتال منتقل کر دیا گیا ہے۔

لیویز ذرائع کا کہنا ہے کہ چیک پوسٹ سی پیک روٹ پر واقع تھی، اور اہلکاروں نے حملے کا دلیری سے مقابلہ کیا۔ حملہ آور فائرنگ کے بعد فرار ہو گئے، جبکہ واقعے کی اطلاع پر سیکیورٹی فورسز کی بھاری نفری جائے وقوعہ کی جانب روانہ ہو چکی ہے۔

تاحال کسی گروہ نے حملے کی ذمہ داری قبول نہیں کی، تاہم خضدار اور آس پاس کے علاقوں میں ماضی میں بلوچ علیحدگی پسند گروہ لیویز اور سیکیورٹی فورسز پر حملے کرتے رہے ہیں۔

یاد رہے کہ خضدار سی پیک کا اہم گزرگاہی علاقہ ہے، جہاں فورسز کو ماضی میں بھی حملوں کا سامنا رہا ہے۔ حالیہ حملے نے بلوچستان میں امن و امان کی صورتحال پر ایک بار پھر سوالیہ نشان کھڑا کر دیا ہے۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C