شمالی وزیرستان سیکورٹی فورسز کا آپریشن: 3 دن میں 71 شدت پسند ہلاک

راولپنڈی (نمائندہ ڈیلی اردو) پاکستانی فوج کے شعبہ تعلقات عامہ نے دعوی کیا ہے کہ شمالی وزیرستان میں ایک آپریشن میں مزید 17 شدت پسند ہلاک کر دیے گئے ہیں۔

آئی ایس پی آر کے مطابق 27 اور 28 تاریخ کی درمیانی رات کو پاکستان اور افغانستان کی سرحد کے قریب حسن خیل کے علاقے میں سکیورٹی فورسرز نے ایک آپریشن کیا اور اس میں یہ شدت پسند ہلاک کیے گیے ہیں۔

آئی ایس پی آر کے مطابق یہ شدت پسند اپنے بیرونی آقاؤں کے اشاروں پر پاکستان میں کارروائیاں کر رہے تھے۔ فوج کے مطابق مارے جانے والے ان شدت پسندوں کے قبضے سے بھاری مقدار میں بارود اور اسلحہ برآمد ہوا ہے۔

آئی ایس پی آر کے مطابق گذشتہ تین دن میں کیے جانے والے آپریشن میں اب تک مجموعی طور پر 71 شدت پسند ہلاک کر دیے گئے ہیں اور سکیورٹی فورسز پاکستان کی بقا اور تحفظ کے لیے ہر دم تیار اور پرعزم ہیں۔