کراچی : بی ایل اے کا کارندہ گرفتار، 3 روزہ جسمانی ریمانڈ پر پولیس کے حوالے

کراچی (ڈیلی اردو) کراچی کے علاقے لیاری سے گرفتار کالعدم بی ایل اے کے کارندے کو 3 روز کے جسمانی ریمانڈ پر پولیس کے حوالے کردیا گیا۔

تفصیلات کے مطابق لیاری سے گرفتار کالعدم بی ایل اے کےکارندے کو ریمانڈ کیلئے انسداددہشت گردی کی عدالت میں پیش کردیا گیا۔ عدالت نےملزم درویش عرف ساگرکا 23 مئی تک جسمانی ریمانڈ منظورکرلیا۔ عدالت نےملزم کو جسمانی ریمانڈپر پولیس کی تحویل میں دے دیا گیا۔

پولیس کے مطابق ملزم کو ملزم کو19اور20 مئی کی درمیانی شب رینجرزنےگرفتارکیا تھا۔ ملزم سے ہینڈ گرنیڈ اوراسلحہ برآمد ہوا تھا۔

تفتیشی افسر کے مطابق عدالت کو بتایا کہ دہشت گردکالعدم تنظیم کا کارندہ ہے، ملزم سے اس کے ساتھیوں کے بارے میں تفتیش کرنی ہے، ملزم کا14دن کا جسمانی ریمنڈ دیا جائے۔ جس پر عدالت نے ملزم درویش عرف ساگر کا 23 مئی تک جسمانی ریمانڈ منظور کرتے ہوئے، ملزم کو پولیس کی تحویل میں دے دیا۔