بلوچستان: گوادر اور کیچ سے پانچ افراد کی گولیوں سے چھلنی لاشیں برآمد

کوئٹہ (ڈیلی اردو) پاکستان کے شورش زدہ صوبے بلوچستان کے ضلع گوادر کی تحصیل تُمپ کے علاقے سے 3 لاشیں برآمد ہوئیں، جن میں ایک حال ہی میں شادی شدہ شخص عمران نادِل بھی شامل ہے۔

پولیس کے مطابق لاشیں مقامی لوگوں کی اطلاع پر گومازی اور ڈازان کے مختلف مقامات سے برآمد کی گئیں اور مزید تفتیش کے لیے ہسپتال منتقل کر دی گئیں۔

مقامی افراد کا کہنا ہے کہ عمران کو تاوان کے لیے اغوا کیا گیا تھا اور رقم نہ دینے پر نامعلوم مسلح افراد نے قتل کر دیا۔ متعدد گولیوں کے زخم اس کی موت کا سبب بنے۔ شناخت کے بعد لاش ورثاء کے حوالے کر دی گئی۔

ادھر ایران سے متصل ضلع کیچ سے بھی تین افراد کی لاشیں ملی ہیں، جن میں سے دو کی شناخت ہوئی ہے۔ تربت کے نواح میں مزید دو لاشیں برآمد ہوئیں، جن کی شناخت ابو بکر اور طاہر احمد کے طور پر ہوئی، یہ دونوں مرد دشت کندان کے بالنگر اور شولی کے رہائشی تھے اور کئی ہفتوں سے لاپتا تھے۔

میڈیکو-لیگل کارروائی کے بعد لاشیں ورثا کے حوالے کر دی گئیں جبکہ پولیس ان مقدمات کی تفتیش کر رہی ہے۔