پشاور: پاکستان آرمی کیمپ حملہ کیس، ملزم چار روزہ جسمانی ریمانڈ پر سی ٹی ڈی کے حوالے

پشاور (ڈیلی اردو) صوبہ خیبر پختونخوا کے دارالحکومت پشاور کی انسدادِ دہشت گردی کی خصوصی عدالت میں ہاکستان آرمی کیمپ پر حملے کے مقدمے میں گرفتار ملزم کو پیش کیا گیا۔

اے ٹی سی عدالت نے ملزم کو چار روزہ جسمانی ریمانڈ پر کاؤنٹر ٹیررازم ڈیپارٹمنٹ (سی ٹی ڈی) کے حوالے کر دیا۔ تفتیشی افسر نے عدالت کو بتایا کہ ملزم عبد الحمید نے اضاخیل میں واقع آرمی کیمپ پر دیگر دہشت گردوں کے ساتھ مل کر چھوٹے اور بڑے ہتھیاروں سے حملہ کیا تھا۔

تفتیشی افسر کے مطابق ملزم نے 14 اگست 2023 کو ہاکستان آرمی کیمپ کو نشانہ بنایا تھا، جبکہ مزید تفتیش کے لیے ملزم کے 30 روزہ جسمانی ریمانڈ کی استدعا کی گئی۔

عدالت نے دلائل سننے کے بعد ملزم کو تفتیش کے لیے چار روزہ جسمانی ریمانڈ پر سی ٹی ڈی کے حوالے کرنے کا حکم دیا۔