شمالی وزیرستان میں سکیورٹی فورسز کا آپریشن، شدت پسندوں کی برقع پہن کر فرار کی کوشش ناکام، 3 ہلاک

راولپنڈی (ڈیلی اردو/بی بی سی) پاکستانی فوج کے شعبہ تعلقات عامہ ( آئی ایس پی آر) کے مطابق سکیورٹی فورسز نے شمالی وزیرستان میں ایک آپریشن کے دوران تین شدت پسندوں کو ہلاک کر دیا گیا۔

آئی ایس پی آر کے بیان کے مطابق سکیورٹی فورسز نے خفیہ معلومات کی بنیاد پر ضلع شمالی وزیرستان کے علاقے دتہ خیل میں شدت پسندوں کی موجودگی کی اطلاع پر آپریشن کیا۔

بیان کے مطابق آپریشن کے دوران شدت پسند برقعہ پہن کر فرار ہونے کی کوشش کر رہے تھے۔ ہلاک ہونے والے شدت پسندوں کے قبضے سے اسلحہ اور گولہ بارود بھی برآمد کیا گیا۔

کارروائی کے بعد علاقے میں مزید شدت پسندوں کی ممکنہ موجودگی کے پیشِ نظر سرچ آپریشن کیا گیا۔