آرمی چیف قمر باجوہ کا لاجسٹک تنصیبات اور ورکشاپ راولپنڈی کادورہ

راولپنڈی (ڈیلی اردو) آرمی چیف جنرل قمر جاوید باجوہ نے لاجسٹک تنصیبات اور ورکشاپ راولپنڈی کادورہ کیا ہے۔

انٹرسروسز پبلک ریلیشنز (آئی ایس پی آر) کے مطابق آرمی چیف قمر باجوہ نے تنصیبات کے مختلف انفرا اسٹرکچرکا معائنہ کیا، انفرااسٹرکچر آرمی کے وسیع ٹرانسپورٹ کے خصوصی آئٹمز کو ہینڈل کرتا ہے۔

آئی ایس پی آر کے مطابق آرمی چیف کو تیار کی جانے والی سہولیات سے متعلق بریف کیا گیا، گاڑیوں کی اپ گریڈیشن سے متعلق بھی آرمی چیف کو بریف کیاگیا، آرمی چیف کو اپ گریڈیشن اور بہتری کے امور پر بھی بریفنگ دی گئی۔

آئی ایس پی آر کے مطابق آرمی چیف نے ورکشاپ کی کارکردگی اور کام کے عزم کو سراہا، آرمی چیف قمر باجوہ کا چیف آف لاجسٹکس اسٹاف لیفٹننٹ جنرل اظہر صالح عباسی نے استقبال کیا۔