اسرائیلی پولیس کی فائرنگ سے فلسطینی حملہ آور ہلاک

یروشلم (ڈیلی اردو) اسرائیلی پولیس نے ایک فلسطینی حملہ آور کو گولی مار کر ہلاک کر دیا ہے۔

پولیس کا کہنا ہے کہ اتوار کو اس حملہ آور نے یروشلم کے پرانے حصے میں ایک پولیس افسر پر چاقو سے حملہ کر دیا تھا۔

https://twitter.com/AlexDeeb9/status/1500467950083620865?t=0zkc0-jsiZUiHdI0Rt8P0Q&s=19

اسرائیلی پولیس کی جانب سے جاری بیان میں کہا گیا ہے کہ حملہ آور نے یروشلم کے قدیم حصے میں ڈیوٹی پر تعینات اہلکاروں کی طرف بڑھ کر ان میں سے ایک پر حملہ کر دیا تھا۔ دیگر اہلکاروں نے اس حملہ آور پر فائرنگ کر کے اسے ہلاک کر دیا۔ انیس سالہ حملہ آور مشرقی یروشلم کا رہائشی تھا۔ گزشتہ کچھ برسوں میں فلسطینیوں کی جانب سے کئی اسرائیلی شہریوں اور سکیورٹی اہلکاروں کو نشانہ بنایا گیا ہے۔

فلسطین اور انسانی حقوق کی تنظیمیں الزام عائد کرتی ہیں کہ اسرائیل ان حملوں میں ملوث افراد پر ضرورت سے زیادہ طاقت کا استعمال کرتا ہے۔