افغانستان: ہرات کے ضلع زندہ جان میں طالبان کا حملہ پسپا، 20 دہشتگرد ہلاک

کابل (ڈیلی اردو/شِنہوا) افغانستان کے مغربی صوبہ ہرات کے ضلع زندہ جان پر طالبان دہشت گردوں کے قبضے کی کوششوں کو ناکام بنا دیا گیا ہے اور دہشت گرد 20 لاشیں چھوڑ کر فرار ہوگئے۔

صوبائی حکومت کی جانب سے جمعرات کو جاری ہونے والے ایک بیان میں کہا گیا ہے کہ طالبان دہشت گردوں نے ضلع زندہ جان پر قبضہ کرنے کیلئے جمعرات کی صبح بڑے پیمانے پر کارروائی شروع کی تھی لیکن ان کے کثیر الجہتی حملے پسپا کردیئے گئے اور طالبان 20 لاشیں اور 17 مزید زخمی پیچھے چھوڑ جانے کے بعد فرار ہوگئے۔

12 #Taliban terrorists including 2 of their prominent commanders were killed and 6 others were wounded in joint clearing operations conducted by #ANDSF with support from #AAF in Farsi district of #Herat province, today.
Also, 7 enemy motorbikes were destroyed.

— Ministry of Defense, Afghanistan (@MoDAfghanistan) June 16, 2021

بیان میں تصدیق کی گئی ہے کہ کئی گھنٹوں تک جاری رہنے والی اس لڑائی میں ایک سکیورٹی اہلکار ہلاک اور تین دیگر زخمی ہوگئے۔ طالبان نے اس پر کوئی تبصرہ نہیں کیا ہے۔